23.03.2016 / 13:50
შრიფტის ზომა:

ამერიკულმა რობოტმა სამყაროს განადგურების "პირობა" დადო

Player load error!

ამერიკელი მეცნიერის დევიდ ჰენსენის მიერ დაარსებული კომპანია "ემოციური რობოტების" შექმნაზე სპეციალიზირდება: მათი მიზანია დაეხმარონ ადამიანს ნებისმიერ სფეროში, დაწყებული თემატურ პარკებზე მუშაობით, დამთავრებული, სამედიცინო ან საგანმანათლებლო სამუშოებით.

კომპანიაში რობოტებზე მუშაობა 2003 წლიდან მიმდინარეობს.

მათი რობოტები მდიდარ მიმიკებს ფლობენ, მათი ხმა კი მრავალი ინტონაციითაა უზრუნველყოფილი.

ცოტა ხნის წინ, კომპანიის დამაარსებელმა, რობოტის უახლეს მოდელს ინტერვიუ ჩამოართვა.

ადამიანის მსგავსი რობოტის, სოფიას თვალებში კამერებია ჩამონტაჟებული, რაც მას სახეების გარჩევის საშუალებას აძლევს, ამიტომ სოფიას ყოველ მოსაუბრესთან ვიზუალური კონტაქტის დამყარება შეუძლია. ამასთან, იგი არა მხოლოდ ხმის ცნობას ახერხებს, არამედ, იმახსოვრებს რეაქციებს და ამაზე დაყრდნობით შემდგომ ურთიერთობებს აგებს.

ინტერვიუს დროს ანდროიდმა აჩვენა, რომ შეუძლია საუბრის წარმართვა, სხვადსხვა კითხვებზე პასუხის გაცემა, გაღიმება და ა.შ.

სოფია დაახლოებით, 60 სახის გამომეტყველებაზეა დაპროგრამირებული და ადამიანის მსგავსად, მასაც აქვს სამომავლო გეგმები: სოფიას სურს დიზაინით დაკავდეს, შეისწავლოს ახალი ტექნოლოგიები და დაოჯახდეს.

ხუმრობით დასმულ კითხვაზე, ხომ არ სურს სოფიას სამყაროს განადგურება, მან უპასუხა "კარგი, გავანადგურებ" - ისეთივე მშვიდი ტონით, როგორც მანამდე ყვებოდა საზოგადოების სრულყოფილ წევრად გახდომის სურვილზე.