ნივთები, რომელიც 2020 წელს აღარ იარსებებს | Allnews.Ge

ნივთები, რომელიც 2020 წელს აღარ იარსებებს

მსოფლიოს ახალგაზრდა მეწარმეებით დაკომპლექტებული საბჭოს წევრები იმ ინდუსტრიებსა და ნივთებზე საუბრობენ, რომლებიც ხუთ წელიწადში შესაძლოა, ყოვლად უსარგებლო გახდეს ადამიანისთვის.

მათ შორის მოხვდა სახლის ტელეფონებიც. ახალგაზრდა მეწარმეების თქმით, კომუნიკაციის საშუალებად ადამიანები თანდათან უფრო ნაკლებად იყენებენ სახლის ტელეფონებს, ისინი თითქმის უკვე ჩაანაცვლა "სმარტფონებმა". რაოდენ გასაკვირიც არ უნდა იყოს, გაქრობა ემუქრება მობილურ ტელეფონებსაც. მობილური ტელეფონების ფუნქცია შეითავსა პორტატულმა კომპიუტერებმა.

მეწარმეების პროგნოზით, 2020 წელს ქაღალდის ინდუსტრიაც ნელნელა გაქრება. მისი გამოყენება საბოლოოდ არ შეწყდება, თუმცა, იგი საკმაოდ მოძველებული გამოყენებადი ნივთი გახდება, ვინაიდან ყველა მონაცემის და დოკუმენტის შენახვა ციფრულ ფორმატში მიმდინარეობს. გაქრობა ემუქრება საკაბელო ტელევიზიასაც, მას თანდათან ინტერნეტი ანაცვლებს, მაღალი სიჩქარის ინტერნეტი კი დღითიდღე მსოფლიოს უფრო მეტ ტერიტორიას ფარავს.

ახალგაზრდა მეწარმეები ვარაუდობენ, რომ მალე საფულეებიც გაქრება. მოსახლეობა იმდენად სწრაფად გადადის ელექტრონულ ყიდვაზე, რომ მალე ძველი ტყავის საფულეები უსარგებლო ნივთად იქცევა. მეწარმეების პროგნოზით, რამდენიმე წელიწადში დაიკლებს კინოთეატრების ვიზიტორების რიცხვიც. ვინაიდან მაღალი ხარისხის ტელევიზორების და სახლის პატარა კინოთეატრების მყიდველთა რიცხვი იზრდება. ამიტომაც მოსახლეობა თანდათან უფრო აქტიურად ანიჭებს უპირატესობას ფილმის სახლში ყურებას ვიდრე კინოში წასვლას და იქ ამისთვის თანხის გადახდას.

myquiz