სავალუტო ჯიხურებში დოლარის კურსმა 2.90-ს მიაღწია
თბილისში, ზოგიერთ სავალუტო ჯიხურში დოლარის ყიდვას მსურველი 2.90 ლარად შეძლებს. რაც შეეხება ევროს, ერთი ევრო 3.27 ლარი ღირს.
ეს არ არის ოფიციალური კურსი და ოფიციალურად მას ეროვნული ბანკი რამდენიმე საათში გამოაცხადებს, თუმცა Bloomberg-ის სავაჭრო პლატფორმაზე ამ დროისთვის ერთი დოლარი 2.9325 ლარად ივაჭრება.
BPN-ის ინფორმაციით, პლატფორმაზე ვაჭრობა 2.8401 კურსით დაიწყო.
ეროვნული ბანკის მიერ გუშინ დადგენილი კურსით, 1 აშშ დოლარის ოფიციალური ღირებულება დღეს, 2.8320 ლარია. რაც შეეხება ევროს, მისი კურსი 3.1778 ლარია. ეროვნული ბანკი ახალ კურსს დღეს 17:00 საათზე გამოაქვეყნებს.