ვის არ ეჭმევა ნესვი
ნესვი უნიკალური პროდუქტია, რომლის ჯადოსნური გემოთი და არომატით ტკბობისას კანი ახალგაზრდავდება და ერთგვაროვანი ხდება, თმა და ფრჩხილები ძლიერდება, განწყობა უმჯობესდება.
ნესვის რბილობი შეიცავს: წყალს, შაქარს, სახამებელს, ცილებს, ნახშირწყლებს, საკვებ ბოჭკოებს, თავისუფალ ორგანულ მჟავებს, კალიუმს, რკინას, С, РР, В1, В2 ვიტამინებს, კაროტინს, ფოლის მჟავას, მაგნიუმს, ფოსფორს, კალციუმს, ინოზიტს, კრემნიუმს.
კრემნიუმი დადებითად მოქმედებს კანისა და თმის მდგომარეობაზე, რკინა სასარგებლოა სისხლის შემადგენლობისთვის, С ვიტამინი აძლიერებს იმუნურ და ნერვულ სისტემას.
ბეტა-კაროტინი საუკეთესოა კანის სიჯანსაღისა და ახალგაზრდობისთვის. ინოზიტი ხელს უწყობს თმის ზრდას. ფოლის მჟავა სასარგებლოა ნერვული სისტემისთვის. ის პასუხისმგებელია ემოციურ წონასწორობასა და კარგ განწყობაზე, ხოლო მაგნიუმი სასარგებლოა გულის კუნთისთვის.
სამკურნალო მიზნით ჯერ კიდევ ავიცენა იყენებდა ნესვის რბილობს, თესლსა და ქერქსაც კი. თანამედროვე მედიცინაში ნესვს ძირითადად ნაწლავის გასაწმენდად იყენებენ.
ნესვის ზედმეტად მიღებისგან თავი უნდა შეიკავონ: მეძუძურმა დედებმა, დიაბეტით, კუჭისა და 12-გოჯა ნაწლავის წყლულით დაავადებულებმა.