პუტინი პოლიტიკიდან წასვლის შემდგომ გეგმებზე საუბრობს | Allnews.Ge

პუტინი პოლიტიკიდან წასვლის შემდგომ გეგმებზე საუბრობს

რუსეთის პრეზიდენტი ვლადიმერ პუტინი იმედოვნებს, რომ პერსპექტივაში წარმატებით დაასრულებს საკუთარ კარიერას, და მოგზაურობაზე ოცნებობს.

ამის შესახებ პუტინმა ჩელიაბინსკში, მუშებთან შეხვედრაზე განაცხადა, როდესაც ქარხნის ერთ-ერთმა თანამშრომელმა პრეზიდენტს საკუთარი ოცნება გაუმხილა: "უახლოესი ხუთი წლის განმავლობაში მე მსურს წარმატებული კარიერის მოწყობა ჩვენს ქარხანაში".

"მე მსურს წარმატებით დავასრულო ჩემი კარიერა" , - ხუმრობით უპასუხა პუტინმა.

კითხვაზე, არის თუ არა რაიმე, რასაც პუტინი არასდროს აკეთებს, ან ჰობი, რითაც პუტინს სურს დაკავდეს, პრეზიდენტმა განაცხადა, რომ "ძალიან უყვარს მოგზაურობა". "ახლა ჩემი თითოეული მოგზაურობა შემოიფარგლება იმით, რომ ჩავდივარ აეროპორტში, მივდივარ რომელიმე შენობაში, მერე ისევ ვბრუნდები აეროპორტში. მე სხვანაირად მოგზაურობა მსურს, ბუნებისა და ისტორიული ღირსშესანიშნაობების ნახვა მინდა", - აღნიშნა პუტინმა.

myquiz