კანადაში საგანგებო მდგომარეობა გამოცხადდა
კანადაში მასშტაბური ხანძრის გამო საგანგებო მდგომარეობა გამოცხადდა. ალბერტას პროვინციის ქალაქ ფორტ მაკმერეიდან მთლიანი მოსახლეობის - 88 000 ადამიანის ევაკუაცია მოხდა.
ოფიციალური ინფორმაციით, ტყეში გაჩენილი ცეცხლი მომდევნო 24 საათის განმავლობაში სავარაუდოდ მთელს ქალაქს გაანადგურებს.
ხანძარი, რომელიც კვირას გაჩნდა, სწრაფად ვრცელდება. განადგურებულია ქალაქის1600 დაწესებულება. დამწვარია 3000-მდე ჰექტარი მიწის ფართობი.
ჯერჯერობით დაშავებულებზე ინფორმაცია არ ვრცელდება. მეხანძრეები და სამაშველო ვერტმფრენები საგანგებო რეჟიმში განაგრძობენ მუშაობას.
კანადის ერთ-ერთ ქალაქში გაჩენილი ხანძარი 24 საათის განმავლობაში სავარაუდოდ მთელს ქალაქს გაანადგურებს