ნეაპოლში მეორე მსოფლიო ომის დროინდელი საიდუმლო გვირაბები აღმოაჩინეს
იტალიის ქალაქ ნეაპოლის მიწის ქვეშ გვირაბების და გამოქვაბულების საიდუმლო სამყარო აღმოაჩინეს. აღმოჩენა 90 წლის კაცის დახმარებით მოხერხდა, რომელმაც მეორე მსოფლიოს ომის დავიწყებული თავშესაფრები გაიხსენა.
"მოხუცმა ნეაპოლელმა გამოგვიგზავნა წერილი, სადაც აღწერდა გიგანტურ ოთახებს და კიბეებს, რომლებიც არავის ახსოვდა", - აღნიშნა ადგილობრივმა გეოლოგმა, ჯანლუკა მინინიმ. კოლეგებთან ერთად მანინიმ გათხრები აწარმოა და მე-17-ე საუკუნის წყლის ცისტერნა აღმოაჩინა.
აღმოჩენილი საიდუმლო გვირაბების ქსელი ქალაქის ქვეშ რბილ ვულკანურ ქვაშია გამოკვეთილი. ისინი სხვადასხვა დროში დაბომბვის დროს თავშესაფრად, რელიგიური ცერემონიალების ჩასატარებლად და ნაგვის გადასაყრელად გამოიყენებოდა.
"ნეაპოლიში ათასობით ასეთი ცისტერნაა, მაგრამ უმეტესობა ამოვსებულია" - ამბობს მანინი. გვირაბების ქსელს რომანტიკული დანიშნულებაც ჰქონდა, მას შეყვარებულები იყენებდნენ დასამალად. მძარცველები კი გვირაბებს იმ სახლებში შესაღწევად იყენებდნენ, რომელთაც ჭა ჰქონდა.
ამჟამად ბევრი გვირაბი ღიაა დათვალიერების მსურველთათვის.
"ძალიან საშიში იყო ამ გვირაბების აღმოჩენა. ეს გიგანტური სივრცე ჩვენს ფეხქვეშ არსებობს, რომელიც ყველას დაავიწყდა. მაგრამ როდესაც დაბრუნდნენ თვალდახუჭული ცნობდნენ ადგილს" - ყვება მინინი.
მომზადებულია Telegraph-ის მიხედვით