თამარ ჟვანია მის მიერ აღებულ პრემია-დანამატების შესახებ განმარტებას აკეთებს
გუშინ მედიის ყურადღების ცენტრში ცენტრალური საარჩევნო კომისიის თავმჯდომარის, თამარ ჟვანიას ანაზღაურება და პრემია-დანამატები აღმოჩნდა. ON.ge-ს მიერ, 16 იანვარს გამოქვეყნებული ინფორმაციის მიხედვით, თამარ ჟვანიას 2016 წლის ანაზღაურებამ, 197 308 ლარი შეადგინა, აქედან თანამდებობრივი სარგო 101 598 ლარი იყო., ON.ge-ს ცნობით, თამარ ჟვანიამ პრემიის სახით 31 900 ლარი აიღო, მისმა დანატმა კი 63 810 ლარი შეადგინა.
აღნიშნულ საკითხზე კომენტარის მოსაპოვებლად Allnews.ge თამარ ჟვანიას დაუკავშირდა.
"საარჩევნო პროცესი 10 თვის განმავლობაში მიმდინარეობდა და ეს ამ ხნის განმავლობაში გაწეული შრომისთვის ჩვეულებრივი ზეგანაკვეთურია, მხოლოდ ცესკოს თავმჯდომარე კი არა ყველა ასე მუშაობს. ეს ჩვეულებრივი საჯარო ინფორმაციია. ჩემს დეკლარაციაშიცაა მითითებული.
ყველაფერი კანონის ფარგლებშია მოქცეული.
ამასთან დაკავშირებით, კომენტარი არაერთხელ გამიკეთებია, ვერ ვხვდები ეს ახლა რატო გახდა ახალი ამბავი"- განაცხადა ცენტრალური საარჩევნო კომისიის თავმჯდომარე თამარ ჟვანიამ.
თამარ ჟვანია, ცენტრალური საარჩევნო კომისიის თავმჯდომარის თანამდებობაზე 2013 წლის სექტემბერში აირჩიეს.